深圳高質潮汕私房菜

又到左週末，朋友又帶我去左深圳覓食 今次就帶左我去一間環境特別既潮汕私房菜 位置非常便利，搭地鐵去到南山站一出地鐵站就到 店內裝潢明亮，掛上燈籠，富有中國特色， 設有魚仔檔，除左可以自選海鮮，仲適合打卡拍照 環境舒適，仲設有多間廳房，非常適合一班朋友北上用餐 餐廳主打正宗潮汕私房菜，即叫即炒，想試下正宗潮汕既味道就要黎試下啦 食物方面: 鹵水拼盤 : 拼盤有鵝肉片、鵝腸及豬舌三款，再用豆腐墊底，鵝肉有咬口又唔肥膩，鵝腸無膏爽口，豬脷鹵水味濃郁 蝦仁鮑汁豆腐 : 用玉子豆腐去油炸到外脆內軟，加入蝦仁、冬菇絲及鮑汁去做芡汁，簡單得來又好入味既菜式 土豪西芹 : 用左荷蘭豆、菜心及西芹一齊爆炒，蔬菜新鮮爽脆又大碟 九肚魚烙 : 蠔餅就食得多，原來潮汕菜仲可以用九肚魚做煎烙，煎得脆皮肉嫩鮮味，口感超好 海鮮粥 : 海鮮足非常足料，用三點蟹、鮮蝦、白蜆、冬菇、排骨去煲出粥底，粥底綿綿，充滿鮮味 砂鍋焗黃花魚 : 黃花魚上枱香氣十足，魚身切成多件，方便食用，肉質非常鮮香嫩滑，底層鋪滿爆香薑粒葱段去焗，魚肉吸收曬香氣味道 名稱：汕八爺魚仔檔·潮汕菜 地址：深圳市南山區桂廟路42號 營業時間 : 1100-1400 1700-2300 前往方法：深圳 11 號線，南山站 H 出口, 步行約 1 分鐘 人均消費 : $100-200 🌱🌱🌱🌱🌱🌱🌱🌱🌱🌱🌱🌱🌱 歡迎大家支持埋我的 Facebook page FB page: https://www.facebook.com/barbaours/ #barbaours_ #barbabeau#barbapapa#shenzhen#shenzhenfood#shenzhenfoodie@shanbaye0328 #lifestyle#hkblogger#hkfoodie#instafood#iphonephotography #foodphotography#foodstagram#foodblogger#foodstagram#foodie #travel#travelgram#travelblogger #深圳美食#深圳好去處#深圳市#深圳打卡#深圳一日遊#深圳探店#香港人來深圳 #汕八爺#潮汕菜#潮州菜#私房菜 #深圳美食#深圳攻略#UCreator#深圳探店#深圳打卡#深圳新店#深圳cafe推介#想飛賞飛#春日賞櫻 .